Што такое гальваніка?
Магчыма вы не ведалі, але гальванізацыя гэта працэс, які так ці інакш датычыцца ці яшчэ датыкнецца амаль кожнага ювелірнага вырабу.
Гальваніка — метад нанясення пакрыцця з каштоўнага металу на ювелірны выраб найдалікатнейшым слоем. Робіцца гэта для таго, каб выраб атрымаў пэўны від ці нейкія ўласцівасці: яго можна пазалаціць, пасерабрыць, пакрыць родыем ці зрабіць высакароднае чарненне. Самыя часта выкарыстоўваемыя віды гальванікі, якія робяцца ювелірамі гэта: пакрыццё родыем, залачэнне і серабрэнне.
На фота: ванна для гальванікі
Часцей за ўсё пакрыццё ювелірнага выраба каштоўным металам робіцца з мэтай абараніць яго ад механічных уздзеянняў або надаць яму пэўны від. Умельцы з дапамогай гальванізацыі пакрываюць каштоўнымі металамі самыя розныя рэчы ад асадак да аўтамабільных дыскаў.
Залачэнне ювелірных вырабаў гэта працэс пакрыцця слоем золата паверхні ўпрыгожвання (гаворка можа ісці як пра вырабы з каштоўных металаў, так і з некаштоўных). Вельмі тонкага, найдалікатнейшага слоя металу цалкам дастаткова для таго, каб упрыгожванне атрымала новыя якасці і знешні выгляд. Ювеліры выкарыстоўваюць залачэнне і для рэстаўрацыі ювелірных вырабаў.
Серабрэнне ювелірных вырабаў найчасцей выкарыстоўваецца для ўпрыгожванняў з некаштоўных металаў, напрыклад ювелірнай біжутэрыі. Таксама выкарыстоўваецца для паляпшэння выгляду выраба або ў якасці «ўмацавальнага матэрыялу», які падаўжае тэрмін службыў прыгожвання. Часта выкарыстоўваецца для сталовых прыбораў. Серабрэнне надае вырабу вельмі яркі бляск.
Пакрыццё родыем — адна з найбольш папулярных паслуг у ювелірных майстэрнях. Родый — высакародны метал плацінавай групы, які валодае выдатнымі якасцямі зносатрываласці і цвёрдасці, а таксама, у адрозненні ад срэбра, якое пад уплывам знешніх фактараў даволі хутка змяняе колер, родый доўга захоўвае яркі белы бляск. Гэты метал зношваецца павольней плаціны ізолата, што робіць яго незамяняльным для пакрыцця ювелірных упрыгожванняў. Апроч гэтага, бляск і яркасць родыю падкрэсліваюць хараство ўпрыгожванняў з каштоўнымі камянямі ііх ненатуральнымі аналагамі. Гальваніка — найбольш надзейны спосаб пакрыцця родыем вядомы на сёння.
Можа здацца, што гальваніка — просты працэс, які не патрабуе ад ювеліра адметных уменняў і старання. Аднак гэта не так. Насамрэч, гальванізацыя патрабуе не толькі акуратнасці і сапраўды ювелірнай працы, але і часу: працэс можа заняць некалькі гадзін, а для таго, каб пакрыць вырабы ідэальна роўным слоем металу, майстру можа спатрэбіцца правесці працэдуру да десяці разоў. Умела зрабіць гальваніку можа толькі дасведчаны майстар, а пры непрафесійным падыходзе падчас гальванізацыі выраб можа быць сапсаваны.
Наша ювелірная майстэрня прапануе кліентам пакрыццё родыем, залачэнне і серабрэнне ювелірных вырабаў. Мы таксама прапануем паслугу аксідавання срэбра для надання вырабам пэўнага выгляду. У нас працуюць дасведчаныя майстры, якія здольныя падарыць ювелірным упрыгожванням другое жыццё!
Мы працуем без выходных.